O se tamaitai na fa’amama mai lona tagata i le fa’aiuga a le fa’amasinoga i le avea o ia ma se to’alua leaga(‘ona), na ia fai mai e tatau i tagata o le aiga ia o lo’o faitio atu ia te ia ona toe faitau i le iuga o le fa’amasinoga.
Na taua e Siusega Rachel Mailo Autalavou, e na te malamalama uma lava i mea uma na tu’uina atu e le aiga o lona to’alua ua maliu i le lomiga o le aso 29 o Novema 2013, a le Samoa Observer, ma e mana’o e fa’asa’o uma ia fa’amatalaga. I lena lipoti, na taua ai e Faimai Pisu Tuimauga, le tuafafine matua o le ua maliu, fai mai na uma fa’afuasei le ola o lona tuagane laititi, ma na fa’ateia i latou i le mataupu taufa’amasinoga mai i lona to’alua.
Na tu’uina atu e le tamaitai o Mailo lana tagi i le Fa’amasinoga Maualuga, e taua ai lana pule i ta’avale e tolu a le aiga. Ae peitai, na te’ena lana talosaga i se fa’aiuga na tu’uina mai e le Fa’amasino o Ida Malosi i le vaiaso na te’a nei i le aso 22 o Novema. Na taua e le tamaitai o Mailo, e na te le malamalama pe aisea.
“E leai lava ma ni molimau maumaututu e fa’amaonia ai o latou e ana ta’avale,” o le tamaitai lea o Autalavou. Na ia taua, na ia fa’aali uma atu lisiti na fa’aaogaina i le fa’atauina mai o ta’’avale, o pepa o fa’amatalaga a le faletupe ma pepa fa’amaonia o le ana le ta’avale.
“O lea lava e i ai uma lava ia te a’u seia o’o mai i le taimi nei, ua matuai ou le malamalama lava pe aisea na latou manumalo ai i lea mataupu.” I le amataga o lea feeseeseaiga, na talanoa atu ai le tuafafine o le ua maliu, le tamaitai o Tuimauga i le Samoa Observer, o lenei mataupu o se fa’anunumi le taliaina i luga o le maliu o lo latou tuagane.
“E matou te le i mafaufau e fai se mea fa’apea, ae o lea ua alu ave matou i le fa’amasinoga, ma mana’o e ave uma mea o lo’o i totonu o le matou fale e aofia ai ma matou ta’avale ma le matou pa povi.” Na taua e le tamaitai o Tuimauga, na fai muamua foi isi to’alua o le tamaitai o Mailo, ma na maliliu foi ia tai-to’alua. Na taua e le tamaitai o Mailo, e le tatai ona fetaui ia fa’amatalaga.
“Na ou o’o mai i totonu o le aiga ma Autalavou a’o soifua pea lo latou tina i le 2006.”
“E leai lava ma se tala a le tina o Autalavou pe fa’aali mai foi ni uiga leaga ia te a’u, e ta’u mai ai e le manana’o le latou aiga e ma te nonofo ma Autalavou, mai lava i le taimi lena seia o’o lava ina maliu.”
O se tasi o tausoga o le tamaitai o Mailo na la omai fa’atasi i lea fa’atalatalanoaga, e le o mana’o e fa’ailoa atu lona suafa ae na ia manao e fai sana fa’amatalaga i le le fiafia tele o le latou aiga ina ua faifai atu e le tamaitai o Tuimauga lo latou afafine ma fa’aigoa o ia o se to’alua leaga(‘ona).
“E latou te malamalama ea i le fuafuaga a le Atua mo olaga o tagata uma, e leai lava ma se feau a se isi e iloa ai lea mea ma lea mea,” o le tala lea a lea tamaitai.
“E to’atele lava fafine e i’u ifo o latou olaga i le tai-fa to’alua.” Na taua e le tamaitai o Mailo, e le i fuafuaina e la te fa’aipoipo- e i ai lava nisi taimi o le olaga e silia ai ma le tasi le mea e tupu i le tagata lava lea e tasi.
google_ad_client = "ca-pub-9419815128221199";
/* samoa_observer.ws */
google_ad_slot = "5306335075";
google_ad_width = 336;
google_ad_height = 280;
//-->
</script>
<script type="text/javascript"
src="http://www.samoaobserver.ws///pagead2.googlesyndication.com/pagead/show_ads.js">
</script>{/googleAds}
Na ia te’ena foi tu’uaiga mai ia Tuimauga, o le mafua’aga na fa’aipoipo ai lona tuagane ia te ia i le 2011, ina ia ulufale atu ai i le Kolisi o Faifeau i Malua. Na osofai foi e se tasi o le aiga lea tu’uaiga: “E le sa’o lena mea.
Masalo pe ua fa’a-fa ona taumafai i le suega ulufale i Malua, ae le i pasi i na suega uma.” I le mataupu i le fa’amasinoga, na tu’uaia ai e le aiga le tamaitai o Mailo i le loka o se potu na i ai i totonu, i le taimi o le talanoaga o le maliu, ma tusitusi ai le lisi o aseta po’o meatotino e mana’o e tu’u mo ia. Na te’ena e le tamaitai o Mailo ia tu’uaiga i lona nofo ai i totonu o le potu.
“Na ala ona ou nofonofo i totonu o le potu, e tilotilo ai i le mea sa masani ona fai ai ona tiute fa’a-tama i lea aso ma lea aso.” I le tala, na taua ai e Tuimauga e fa’apea, “E matou te fa’afeataia lava ona ua matou manumalo i lea mataupu, a na fa’apea matou te le manumalo, e matou te leiloa le mea o le a o’o i ai a matou meatotino, e o’o lava i le matou fale e ave ese foi.”
“Ua ou fiafia lava ua malo latou, aua e leiloa le mea e o’o i ai pe ana faiaina,” o Mailo lea. Na matuai fiafia lava se tasi o le aiga na omai fa’atasi ma Mailo.
“Ua lelei ua malo, aua e na o le pau lava na o ni meatotino ma ni aseta latou te maua i le laloagi.” Na tu le Loia o Semi Leung Wai mo le tamaitai o Mailo, ae o le Tamaiatai o Tima Leavai na tu mo uso ma tuafafine e to’a-fa o le ua maliu.
O le fa’aiuga o le fa’amasinoga i tu’uaiga o ta’avale e tolu o lo’o taua e fa’apea, “O nisi ua latou tilotilo leaga fa’apea, na ia fa’aipoipo muamua atu i se tamaloa na maliu i le 2005, ao isi e manatu fa’apea, ua ia toe fa’aipoipo atu foi i se isi foi to’alua ao lea foi ua toe maliu atu, o ni masalosaloga e fa’apea, o ia o se fafine leaga(‘ona).
Ae peitai, fai mai Fa’amasino Malosi, e le o fa’amaonia ia tu’uaiga.
Na talosaga atu le Fa’amasino o Ida Malosi i itu e lua ina ia tu’u ese ia feeseeseaiga, ae tilotilo i mata o tamaiti.
google_ad_client = "ca-pub-9419815128221199";
/* adsense_mainbody_banner */
google_ad_slot = "8546623614";
google_ad_width = 468;
google_ad_height = 60;
//-->
</script>
<script type="text/javascript"
src="http://www.samoaobserver.ws///pagead2.googlesyndication.com/pagead/show_ads.js">
</script>{/googleAds}